नेपालगञ्ज, १६ चैत । नेपालगञ्जमा आज शुक्रवार मासु पसलको अनुगमन गरिएको छ । नेपालगञ्ज उपमहानगरपालिकाको पशु सेवा शाखाको अगुवाईमा मासु पसलको अनुगमन गरिएको हो ।
अनुगमन टोलीले नेपालगञ्ज वडा नं. ४ को केहि मासु पसलको अनुगमन गरिएको पशु सेवा शाखा प्रमुख लक्ष्मी शाहीले बतउनुभयो ।
‘स्वच्छ मासु उत्पादन’ तालिम लिएका मासु व्यवसायीले तोकिएका मापदण्ड अनुसार मासु विक्री गरे—नगरेको सम्बन्धमा अनुगमन गरिएको थियो ।
अनुगमन टोलीले उक्त वडाको कार्की कर्नर फ्रेस हाउस, द ब्ल्याक मिट हाउस, राप्ती भेरी मिट शप, हमाल फ्रेस हाउस, मुकिम फ्रेस हाउस र न्यू भाले फ्रेस हाउसको अनुगमन गरेको थियो । न्
अनुगमनमा अधिकांशले मूल्यसूची नराखेको, पसल सरसफाईमा कमी र बध गर्ने र विक्री गर्ने स्थान एउटै भएको पाइएकाले पसल सञ्चालकलाई सचेत गराइएको शाहीले बताउनुभयो ।
पसलमा सिसाको फ्रेम प्रयोग गर्न, आवश्यक कागजपत्र देखिने गरी राख्न, नवीकरण नगरेकालाई एक हप्ताभित्र नवीकरण गर्न, भर्खर सञ्चालनमा आएकालाई ब्यवसाय दर्ता गर्नसमेत समय दिइएको जनाइएको छ ।
