नेपालगञ्ज, १५ चैत । नेपाली काँग्रेसका सभापति एवम् पूर्व प्रधानमन्त्री शेरबहादुर देउवा भोलि शुक्रवार नेपालगञ्ज हुदै दाङ्गको लमही जादै हुनुहुन्छ ।
लमही नगरपालिका वडा नंं ९ अमिलियामा नेपाली काँग्रेसका नेता स्वर्गीय खुमबहादुर खड्काको शालिक अनावरण गर्न सभापति देउवा काठमाडौंवाट नेपालगञ्ज हुँदै दाङ्गको लमही जान लाग्नुभएको हो । उहाँ स्थलमार्गवाट लमही जाने कार्यक्रम रहेको छ ।
देउवा भोलि विहान बुद्ध एअरको पहिलो उडानबाट नेपालगञ्ज राझा विमानस्थल आइपुग्ने कार्यक्रम रहेको बाँके काँग्रेसका कार्यवाहक सभापति गोपालप्रसाद अधिकारीले बताउनुभयो ।
अधिकारीका अनुसार, कार्यकर्ताहरुले सभापति देउवालाई राँझा विमानस्थलमा स्वागतसहितको भेटघाट गर्ने कार्यक्रम रहेको छ । शालिक अनावरणपछि सभापति देउवा भोलि नै काठमाडौं फर्किने कार्यक्रम रहेको छ ।
सभापति देउवासंग समय मिले बाँके काँग्रेसले नेपालगञ्जस्थित पार्टी कार्यालयमा कार्यकर्ता भेटघाट कार्यक्रमको आयोजना गर्ने कार्यबाहक सभापति अधिकारीले बताउनुभयो ।
