नेपालगञ्ज, ७ चैत्र । नरैनापुर गाँउपालिकामा सरुवा भई आउनुभएका प्रमुख प्रशासकीय अधिकृत जनकलाल चौधरीले आज बुधवारदेखि आप्नो पदभार ग्रहण गर्नुभएको छ ।
चौधरीलाई गत फागुन २७ गते संघीय मामिला तथा सामान्य प्रशासन मन्त्रालयले नरैनापुरका लागि सरुवा गरेको थियो । चौधरी यसअघि डोटीको आर्दश गाउँपालिकामा प्रमुख प्रशासकीय अधिकृतका रुपमा कार्यरत हुनुहुन्थ्यो ।
पदभार ग्रहण गर्नुअघि चौधरीलाई गाउँपालिका जनप्रतिनिधि तथा कर्मचारीहरुले ढाका टोपी र फुलको माला लगाइदिएर स्वागत गरेका थिए ।
स्वागत कार्यक्रममा पालिका उपाध्यक्ष जयन्तीदेबी श्रीवास्तव, वडा अध्यक्ष इसाक जोलाह, मसूदअहमद शाह, अजय मिश्रा, मनोज शर्मा, कृष्ण मौर्य, प्रेम मौर्य तथा वडा सदस्य र कर्मचारीहरुको उपस्थिति रहेको थियो ।
त्यस अवसरमा उपाध्यक्ष श्रीवास्तवले प्रशासकिय अधिकृत चौधरीलाई निडर, निर्भिक तथा शून्य सहलशीलताका साथ काम गर्न आग्रह गर्नुभयो ।
प्रमुख प्रशासकीय अधिकृत चौधरीले गाउँपालिकाको विकास, समृद्धि र सुशासनमा आफु केन्द्रीत भएर काम गर्ने प्रतिबद्धता जनाउनुभयो । चौधरीले आप्mनो एक्लो प्रयासले मात्र काम सम्पादन हुन नसक्ने भएकाले पालिकाका सबै जनप्रतिनिधि, कर्मचारी र स्थानीयको सहयोग र साथ आवश्यक हुने बताउनुभयो ।
चौधरी अघिका प्रमुख प्रशासकिय अधिकृत मणिराम खरालको दैलेखको डुङ्गेश्वर गाँउपालिकामा सरुवा भएपछि केही समयदेखि गाउँपालिका प्रमुख प्रशासकिय अधिकृत विहिन रहेको थियो ।
