नेपालगञ्ज, ६ चैत । सशस्त्र प्रहरी बल प्रधान कार्यालय काठमाण्डौले बाँके डुडुवा गाउँपालिका अध्यक्ष नरेन्द्रकुमार चौधरीलाई सम्मान गरेको छ । स
सशस्त्र प्रहरीलाई सामाजिक, शान्ति, सुरक्षा कायम राख्ने कार्यमा अध्यक्ष चौधरीले उल्लेखनिय सहयोग पुरयाएको भन्दै उहाँको उच्च मूल्याङ्कनगर्दै प्रहरीले सम्मान गरिएको हो । आज मंगलवार २३औँ शसस्त्र प्रहरी दिवस २०८० को अवसरमा सशस्त्र प्रहरी प्रधान कार्यालयले अध्यक्ष चौधरीलाई कदरपत्र र दोसल्ला प्रदान गरी सम्मान गरेको हो ।
नेपालगञ्जमा आयोजित कार्यक्रममा सशस्त्र प्रहरी बल महेन्द्रनगर बाँकेका प्रमुख गणपति सशस्त्र प्रहरी उपरीक्षक विमल डाँगीले एक कार्यक्रमकाबीच अध्यक्ष चौधरीलाई दोसल्ला ओढाएर कदरपत्र प्रदान गर्नुभएको थियो ।
त्यस अवसरमा अध्यक्ष चौधरीले गाउँ समुदाय तथा सिमा क्षेत्रमा शसस्त्र प्रहरीको भुमिका प्रभावकारी रहेको भन्दै शान्ति सुरक्षाको अवस्थालाई थप सुदृढिकरण गर्नुपर्नेमा जोड दिनुभयो ।
उहाँले प्रहरी र जनताविचको सम्वन्ध सुमुधुर गर्नपर्नेमा जोड दिदै हरेक नागरिकले प्रहरीलाई सहयोग गरेमा शान्ति सुरक्षाको अवस्थामा सुधार आउने विश्वाससमेत व्यक्त गर्नुभयो ।
