नेपालगञ्ज, ६ चैत । मधेश तथा राष्ट्रिय राजनीतिका नेता राजेन्द्र महतोले संघीय लोकतान्त्रिक गणतन्त्रको विकल्प अरु व्यवस्था हुन नसक्ने बताउनु भएको छ ।
राष्ट्रिय मुक्ति आन्दोलनको विगुल फुक्दै अहिले देश दौडाहामा रहनु भएका नेता महतोले आज मंगलवार नेपालगञ्जमा आयोजित पत्रकार सम्मनेलनमा भन्नुभयो, ‘हाम्रो आन्दोलनको उद्देश्य सत्ता परिवर्तन होइन, यही सत्ताभित्रको व्यथितिको अन्त्य गर्नु हो ।’
नेता महतोले संघीय लोकतान्त्रिक गणतन्त्रको अभ्यासका क्रममा कांग्रेस र कम्युनिष्ट पार्टीका नेताहरुको बहुलवादको सिद्धान्तलाई व्यवहारिकरुपमा लत्याएर एकलवादी सोचवाट शासन सत्ता सञ्चालन गरेका कारण मुलुकमा थुप्रै बेथिति देखिएको छ भन्नुभयो ।
भ्रष्टाचार काण्ड, सुन काण्ड, भूटानी शरणार्थी काण्ड, पासपोर्ट काण्ड, ललिता निवास काण्ड कांग्रेस, कम्युनिष्ट नेताहरुका एकलवादी शासन सत्ता सञ्चालन सोचकै उपज भएको नेता महतोको तर्क छ । ‘उहाँको थप भनाई छ, नेताहरुले एकलवादी शासन सत्ता गर्नुमा नश्लवादी चिन्तन पनि एक प्रमुख कारण हो ।’
यही सोच र चिन्तनका विरुद्ध हामी अहिले राष्ट्रिय मुक्ति आन्दोलनको नारा लिएर देश दौडाहामा छौ भन्दै नेता महतले आन्दोलन अन्तर्गत पहिलो चरणमा अभियान कार्यक्रम रहने, दोस्रो चरणमा संघर्ष र तेस्रो तथा अन्तिम चरणमा विद्रोह गर्ने बताउनुभयो ।
