नेपालगञ्ज, ४ चैत । बाघको आक्रमणबाट बाँकेमा एक जनाको मृत्यु भएको छ । जिल्लाको राप्तीसोनारी गाउँपालिका वडा नं. ९ ढकेरी नजिक बाघको आक्रमणबाट दार्माकोट सल्यानका ७१ वर्षीय नागेन्द्रप्रसाद शर्माको मृत्यु भएको हो ।
इलाका प्रहरी कार्यालय कोहलपुरका अनुसार, शर्मा ढकेरीस्थित आफन्तको घरमा बस्दै आएका थिए । मृतक शर्मा शनिबार बेलुका कोहलपुर जान निस्किएको बुझिएको छ ।
इलाका प्रहरी कार्यालयका प्रहरी निरीक्षक देवराजले शर्माको शव आज बिहान साढे पाँच बजे पूर्व—पश्चिम राजमार्गमा पर्ने ढकेरी र चप्परगौडीबीचको भालुखोलामा फेला परेको थियो ।
प्रहरीद्धारा घटनाको थप अनुसन्धान भइरहेको जिल्ला प्रहरी कार्यालय, बाँकेका प्रहरी प्रवक्ता प्रहरी नायब उपरीक्षक नारायण डांगीले बताउनुभयो ।
