नेपालगञ्ज, २४ फागुन । आप्ना मागहरु पूरा नभएको विरोधमा विद्यार्थी संगठनले क्याम्पस प्रमुखको कुर्सी रुपमा झुण्ड्याएको छ । यो घटना नेपालगञ्ज महेन्द्र बहुमुखी क्याम्पसको हो । यस क्याम्पस अन्तर्गतको स्वतन्त्र विद्यार्थी युनियनले क्याप्पस प्रमुख लालमणि आचार्यसमक्ष राखेका विभिन्न माग पूरा नगरेको भन्दै कुर्सी रुखमा झुण्ड्याइएको हो ।
‘क्याम्पस प्रशासनसमक्ष विभिन्न मागसहितको ध्यानाकर्षण पत्र बुझाउँदा एउटा पनि माग पूरा नभएकाले विरोध स्वरूप कुर्सी रुखमा झुन्ड्याएको हो’, स्ववियु सभापति माधव खत्रीले भन्नुभयो ।
ध्यानाकर्षण पत्रमा क्याम्पसमा नियमित पठनपाठन, व्यवस्थित पार्किङ्ग, खेल मैदानको निर्माण, सूचना बोर्ड, शुद्ध खानेपानी र पुस्तकालय तथा होस्टेलको व्यवस्थापन तथा शौचालय, कक्षाकोठा र क्याम्पस प्राङ्गणको सरसफाइ हुनुपर्ने माग राखिएको छ ।
