नेपालगञ्ज, १७ फागुन । नेपाली कांग्रेसका संस्थापक नेता सुवर्णशम्शेर राणाको जन्मजयन्ती बाँकेमा पनि मनाइएको छ ।
नेपाली कांग्रेस, बाँकेले बिहिवार आज नेपालगञ्जस्थित पार्टी कार्यालय दीप प्रज्वलन र प्रवचन कार्यक्रम गरी संस्थापक नेता राणाको ११३औं जन्मजयन्ती मनाएको हो ।
त्यस अवसरमा संस्थापक नेता राणाप्रति एक मिनेट मौन धारण गरी श्रद्धासुमन व्यक्त गरिएको थियो । संस्थापक नेता राणा नेकांका पूर्व पार्टी सभापति र पूर्व प्रधानमन्त्री समेत हुनुहुन्थ्यो ।
कार्यक्रममा प्रमुख अतिथि नेपाली कांग्रेसका केन्द्रीय सदस्य मैकुलाल बाल्मिकी लोकतन्त्रको संस्थागत विकासमा संस्थापक नेता राणाको योगदान चिरस्मरणीय रहेको छ भन्नुभयो ।
नेपाली कांग्रेस बाँकेका कार्यवाहक सभापति गोपालप्रसाद अधिकारीको सभापतित्वमा भएको कार्यक्रममा लुम्बिनी प्रदेश सभा सदस्य शंकर गिरीले संस्थापक नेता राणा त्यागी चरित्रलाई अहिलेका पार्टी नेता कार्यकर्ताले अनुशरण गर्नुपर्नेमा जोड दिनुभयो ।
पार्टी सचिव सुधांशु कोइरालाले सञ्चालन गरेको कार्यक्रममा कोषाध्यक्ष यज्ञबहादुर बस्नेतले पनि बोल्नुभएको थियो ।
