नेपालगञ्ज, ९ फागुन । सुदुरपश्चिम र लुम्बिनी प्रदेश अन्तर्गत जिल्लाका उद्योग कलकारखाना र विकास आयोजनाको साताव्यापी अनुगमन सकेर उद्योग तथा वाणिज्य र श्रम उपभोक्ता हित समितिका सभापति अब्दुल खान आज काठमार्डौ फर्कनु भएको छ ।
साताव्यापी अनुगमनका क्रममा उहाँ दैलेख, सुर्खेत, बर्दिया, बाँके, दाङ, कपिलबस्तु र रुपन्देही जिल्ला पुग्नुभएको थियो । सभापति खानले ती जिल्लामा सञ्चालित सानाठूला आयोजनाको अनुगमन गर्नुका साथै स्थानीयसंग छलफलसमेत गर्नुभएको थियो ।
सभापति खानका स्वकीय सचिव अतिउल्लाह मुसलमानका अनुसार, सडकमार्ग हुँदै काठमाडौ फर्किने क्रममा लुम्बिनी प्रदेशको सामाजिक विकास मन्त्रालयले कपिलबस्तुका मदरसामा कार्यरत प्रधानाध्यापक र शिक्षकहरुको एक दिने क्षमता विकास कार्यक्रममा सभापति खान सहभागि हुनुभएको थियो ।
कार्यक्रमका प्रमुख अतिथि सभापति खानले मदरसा शिक्षमा रहेको समस्यालाई सम्बोधन गर्न आप्नोतर्पmवाट सक्दो प्रयास गर्ने विश्वास दिलाउनुभयो ।
कार्यक्रममा मदरसा शिक्षा व्यवस्थापन समन्वय समितिका उपाध्यक्ष मसहुद खाँले सभापति खानलाई दोसल्ला ओढाएर सम्मान गर्नुभएको थियो ।
यसै गरी सभापति खान रुपन्देहीको सांस्कृतिक नगरपालिका १० मधुवन गाँउमा रहेको शंकर क्रंक्रिट उद्योगको समेत अनुगमन गर्नुभएको थियो ।
