नेपालगञ्ज, ९ फागुन । केहि स्थानीयले कसैको डर नमानेर निर्धक्क सडकमा छाड्ने गरेका पशुचौपायाका कारण नेपालगञ्ज बजार अस्तव्यस्त हुने गरेको छ । गाई, साढे, सुंगुर, घच्चर, गधा, भुस्याहा कुकुर नेपालगन्जको मुख्य—मुख्य चोकमा मात्र होइन गल्ली—गल्लीमा सयौको संख्यामा भेटन सकिन्छ । त्यस्ता स्थानीयलाई कानुनी दायरामा ल्याउन नसक्नुकै कारण यो प्रवृत्ति बढ्दै गएको छ ।
नेपालगञ्ज उपमहानगरपालिकाले नेपालगन्जको पुरैनीको खुल्ला स्थानमा तारवार गरि चौपाया थुन्ने गरेको छ । तथापी, बजारमा छाडिने छाडाचौपाया व्यवस्थापनको चुनौतिको अन्त्य भने अभैm हुन सकेको छैन ।
नेपालगन्जको पूmलटेक्रामा सानो आँकारको कान्जी हाउसमा सबै छाडा चाौपाया नअँटने भएपछि पुरैनको खाली जग्गामा खुल्लारुपमा छाडा चौपाया थुन्ने गरिएको नगर प्रमुख प्रशान्त विष्टको भनाई छ । तर, यति गर्दा पनि आप्mनो चौपाया छाडा छाडने नगरका पशुधनिको प्रवृत्ति भने जस्ताको त्यस्तै छ । ‘हामीले त व्यवस्थापन मात्र गर्ने हो, छाडा चौपाया सबैको सामूहिक समस्या पो बन्नु पर्छ’—नगर प्रमुख विष्टको बुझाई छ ।
नेपालगन्जको छाडा चौपाया नेपालगन्जवासीद्धारा सिर्जित समस्या मात्र होइन । सीमापारी भारतको रुपैडिहा र त्यस आँसपाँसका क्षेत्रवाट सयौको संख्यामा पशु यता धपाउने गरिएकाले पनि यो समस्या बढ्दो क्रममा रहेको छ । वर्षात शुरु हुने समयमा खच्चर कारोबारीहरुका रोगी, थाकेका, मर्न लागेका खच्चरहरु बजारमा यत्रतत्र छाडने गरेकाले पनि छाडा चौपायाको समस्या झन बल्झिएको छ । छाडा रुपमा बजारमा घुम्ने, सडकका बिचमा बसेर सडक दुर्घटनाको जोखिम बढाइरहेका पशुचौपायालाई नेपाल प्रहरी, सशस्त्र प्रहरी र नेपालगन्ज नगर प्रहरीको संयुक्त टोलीले कान्जी हाउससम्म पुर्याउने गर्छ । तर, यो नै दीर्घकालिन उपाय नभएको सरोकारवालाहरु बताउछन् ।
