नेपालगञ्ज, ७ फागुन । उद्योग तथा वाणिज्य र श्रम उपभोक्ता हित समितिका सभापति एवंम् पूर्व खानेपानी मन्त्री अब्दुल खानले सोमवार बर्दियामा सञ्चालित विकास निर्माण योजनाको अनुगमन निरीक्षण गर्नुभएको छ । निरीक्षणका क्रममा सभापति खानले तोकिएको समयावधिभित्र योजनाको काम सम्पन्न गर्न सम्बद्ध पक्षलाई निर्देशनसमेत दिनुभयो । संघीय सरकारले बिनियोजन गरेको बजेटबाट निर्माण भइरहेको विकास निर्माण आयोजनाको गुणस्तरीयतामा ध्यान दिन निर्माण कम्पनीलाई सभापति खानले आग्रह गर्नुभयो ।
सभापति खानले आप्mनो गृह जिल्ला बर्दियाको निर्माणाधिन योजना मध्ये कब्रलाको बाउण्डरी, मुक्तिनारायण भादा घाट, थारु प्रशियासम्मको रोड निर्माण र गुलरिया १ छेदापुरमा निर्माण भइरहेको सडक र नालाको साथै गुलरिया १ मा निर्माण भईरहेको अर्बौ लगानीको टायल उद्योग लुम्बिनी सेरामी लिमिटेडको समेत निरिक्षण गर्नु भएको थियो ।
उहाँले मापदण्ड पालना गरी आयोजना छिटोभन्दा छिटो गुणस्तरसहित सम्पन्न गर्न संघिय आयोजना कार्यान्वयन निकाय नेपालगञ्जका सब इन्जिनियर बलराज सिग्देल सहित कार्यालय प्रमुखलाई निर्देशन दिनुभयो ।
यस्तै, सभापति खानले उधोग वाणिज्य संघका प्रतिनिधि, व्यापारी र सरोकारवालासंगको छलफलमा बर्दियाका व्यापारीहरुको समस्या समाधान र सरकारले बनाउने नीतिहरुका बिषयमा जानकारी गराउनुभएको उहाँका स्वकिय सचिव अतिउल्ला मुसलमानले बताउनुभयो ।
जिल्ला प्रशासन कार्यालय बर्दियाका सहायक प्रमुख जिल्ला अधिकारी रोशनकुमार कढायतको अध्यक्षतामा कार्यक्रम भएको थियो ।
