एक दिवसीय क्रिकेटमा नेपालले क्यानाडालाई सात रनले हरायो

नेपालगञ्ज, २५ माघ । एक दिवसीय क्रिकेटमा नेपालले क्यानडा विरुद्ध रोमाञ्चक जित निकालेको छ । काठमार्डौ किर्तिपुरस्थित त्रिवि क्रिकेट मैदानमा भएको खेलमा नेपालले क्यानाडालाई सात रनले हराएको छ । नेपालको जितमा कप्तान रोहित पौडेलको ४ विकेट र कुशल भुर्तेलले बनाएको ६२ रन महत्वपूर्ण रह्यो ।
टस जितेर पहिले ब्याटिङ्ग रोजेको नेपालले २२४ रन बनाएको थियो । २२५ रनको चुनौती लिएर मैदानमा उत्रिएको क्यानडाले ४७.५ ओभरमा २१७ रन बनाएको थियो ।
सन् २०१८ मा पहिलो पटक एक दिवसीय मान्यता पाएपछि नेपालले क्यानडासँग पहिलो पटक औपचारिक एक दिवसीय श्रृंखला खेलिरहेको हो । क्यानडा तीन खेलको एक दिवसीय श्रृंखला खेल्न नेपाल आएको हो । यो खेललाई विश्व लिग–२ को तयारी स्वरुप लिइएको छ ।