नेपालगञ्ज, १८ पुस । नेपालगञ्जमा मेयर कप छात्रछात्रा फुटबल प्रतियोगिता हुने भएको छ । बाँके जिल्ला फुटबल संघले माघ ७ गतेदेखि १४ गतेसम्म प्रतियोगिता गर्न लागेको हो । उक्त प्रतियोगितामा बाँकेका सबै ८ स्थानीय तह अन्तर्गत ४० विद्यालयको सहभागिता रहने छ । नेपालगञ्ज उपमहानगरपालिकाको आर्थिक सहयोगमा हुन लागेको प्रतियोगिता सम्बन्धि सम्झौतापत्रमा आज हस्ताक्षर गरिएको छ । उपमहानगरपालिका शिक्षा महाशाखा प्रमुख गोर्खबहादुर थापा र बाँके जिल्लाफुटबल संघका महासचिव कमल खत्रीले सम्झौतापत्रमा हस्ताक्षर गर्नुभएको छ ।
प्रतियोगिताले विद्यालयस्तवाटै खेलाडी उत्पादनमा सहयोग गर्ने विश्वास गरिएको छ । महासचिव खत्रीका अनुसार, संघले विगतका वर्षमा जिल्लास्तरीय मेयर कप छात्रछात्रा प्रतियोगिता गर्दै आएको थियो । तर, कोभिडका कारण दुई वर्ष प्रतियोगिता हुन सकेको थिएन् ।
प्रतियोगिता नेपालगञ्ज वडा नं. १ स्थित एन्फा ग्रासरुट फुटबल टे«निङ सेन्टरमा हुनेछन् । नेपालगञ्ज रंगशालामा सिन्थेटिक ट्रयाक निर्माणको काम भइरहेकाले उक्त टे«निङ्ग सेन्टरमा प्रतियोगिता आयोजना गर्नुपरेको महासचिव खत्रीले बताउनुभयो । प्रतियोगिताको विजेताले २१ हजार, उपविजेताले ११ हजारका साथै सर्वोत्कृष्ट खेलाडीलाई समेत पुरस्कारको व्यवस्था गरिएको जनाइएको छ ।
