नेपालगञ्ज, १२ पुस । नेपालगञ्जमा यही पुस १४ गते चौथो संस्करणको स्लो बाइक प्रतियोगिता हुने भएको छ । तिब्र गतिमा मोटरसाइकल चलाउनलाई निरुत्साहित गर्ने र ट्राफिक नियमको पालना गरि सीमित गतिमा मोटरसाइकल चलाउन प्रोत्साहित गर्ने उद्देश्यले प्रतियोगिता आयोजना गर्न लागिएको हो । बागेश्वरी असल शासन क्लब (बास) ले प्रतियोगिता गर्न लागेको हो । प्रतियोगितामा सहभागि हुन चाहनेले अनलाइन तथा बासको कार्यालयमा गएर आवेदन दिन सक्ने जनाइएको छ । बासका कार्यकारी निर्देशक नमस्कार शाहका अनुसार, २०७७ सालदेखि शुरु गरिएको प्रतियोगितामा यस बर्ष पुरुष र महिलाहरुको छुट्टाछुट्टै प्रतियोगिता हुनेछ ।
प्रतियोगितामा प्रथम, द्धितिय, तृतीय हुने बिजेताहरुलार्ई क्रमशः १५ हजार, १० हजार र ५ हजार नगदसहित प्रमाणपत्र प्रदान गरिने छ । प्रतियोगितामा मोटरसाइकल र स्कुटी दुवैको प्रयोग गर्न सकिने जनाइएको छ । चालक अनुमतिपत्र (लाइसेन्स) अनिवार्य हुनुपर्ने र प्रतियोगितामा प्रयोेग गरिने मोटरसाइकल र स्कुटी राम्रो अवस्थाको हुनुपर्नेछ मापदण्ड तय गरिएको छ ।
