नेपालगञ्ज, १० पुस । मुटु रोग बारे सजग र सचेत रहन आग्रह गरिएको छ । सम्यक मिडिया अन्तर्गतको दैनिक नेपालगञ्ज पत्रिकाले आज आयोजना गरेको ‘मुटु सुरक्षा कसरी ?’ प्रशिक्षणमा यस्तो आग्रह गरिएको हो । प्रशिक्षणमा बरिष्ठ मुटुरोग विशेषज्ञ डा. विकास नेपालले मुटुको अवस्था र अपनाउनुपर्ने सावधानीका बारेमा सहभागिहरुलाई जानकारी गराउनुभएको थियो । नेपालगञ्जका बरिष्ठतम्देखि क्रियाशिल पत्रकारहरुको सहभागिता रहेको प्रशिक्षणमा डा. नेपालले उच्च रक्तचाप, मधुमेह, व्यायामको कमि, कामको तनाव, अस्वस्थ्य जीवनशैलीलगायतका कारण नेपालमा मुटुरोगीहरुको संख्या बढ्दै गएको हो भन्नुभयो । 
नेपालगञ्जमा लामो समय पत्रकारिता गर्नुभएका स्वर्गीय ऋषिराज गैरेको ४५औं पुण्यतिथिको अवसरमा गरिएको उक्त प्रशिक्षण सबै कर्मका मानिसले मुटु स्वास्थ्य बारे ध्यान दिनुपर्नेमा केन्द्रीत रहेको थियो । पछिल्लो समय काठमाडौंलाई कर्मक्षेत्र बनाउनुभएका ऋषिराज गैरेको मंसिर १ गते ४० वर्षको अल्पआयुमा भएको थियो ।
प्रशिक्षणमा सम्यक मिडियाका कार्यकारी अध्यक्ष एवम् दैनिक नेपालगञ्जका प्रधान सम्पादक झलक गैरेले ऋषिको असमायिक निधनले आफुलाई भावविह्व बनाउनुका साथै मुटुरोग बारे सचेतना जगाउनेतर्पm प्रेरित गरेको बताउनुभयो । ऋषि झलकका भाई हुन् । स्वास्थ्यकर्मी जीवन शर्माले सहजीकरण गर्नुभएको प्रशिक्षणमा सहभागि पत्रकारहरु लियाकतअलि सिद्धिकी, पूर्णलाल चुके, शिव डोटेल, राजनीतिक विश्लेषक नरेन्द्रजङ्ग पिटरलगायतले मुटुरोग बारे विभिन्न जिज्ञासा राखेका थिए ।
