नेपालगञ्ज, ४ पुस । बाँकेमा ट्राफिक प्रहरीको रिफलेक्टिभ स्टिकर टास अभियान शुरु गरिएको छ । अभियान अन्तर्गत ट्राफिक प्रहरीले आज ३०० बढी सवारी साधनमा स्टिकर टास गरिएको छ । हुस्सु र कुहिरोका कारण हुन सक्ने सम्भावित दुर्घटनालाई न्युनिकरण गर्न यस्तो अभियान चलाइएको बताइएको छ ।
अभियान अन्तर्गत अहिलेसम्म बाँकेमा ७०० बढी कक्षा संचालन गरी ४२ हजारभन्दा बढी सवारी चालक, पैदलयात्री र विद्यार्थीलाई ट्राफिक नियम र सचेतना बारे जानकारी गराएको जिल्ला ट्राफिक प्रहरी प्रमुख प्रहरी निरीक्षक गोपीकृष्ण सुवेदीले बताउनुभयो ।
सुवेदीका अनुसार, चालु आर्थिक वर्षको ६ महिनाको अवधिमा बाँकेमा ६९ सडक दुर्घटनामा २९ जनाले ज्यान गुमाएका छन भने ५० जना गम्भीर घाइते भएका छन् ।
ट्राफिक प्रहरीको यो अभियानमा बाँकेका प्रमुख जिल्ला अधिकारी श्रवणकुमार पोखरेल, जिल्ला प्रहरी प्रमुख प्रहरी उपरीक्षक दानसिंह बोहरालगायतका विभिन्न क्षेत्रका प्रतिनिधिहरुको उपस्थिति रहने गरेको छ ।
