नेपालगञ्जका मेयर विष्टद्धारा बागेश्वरी फुटसलको उद्धाटन

नेपालगञ्ज, १ पुस । नेपालगञ्जमा थप एउटा फुट्सल संचालनमा ल्याइएको छ । ‘बागेश्वरी फुट्सल एण्ड स्पोर्ट्स हव’ संचालनमा ल्याइएको हो । योसंगै नेपालगञ्जमा फुट्सलको संख्या ३ पुगेको छ ।
आजदेखि संचालनमा ल्याइएकोे बागेश्वी फुट्सलका अध्यक्ष प्रितम विष्टले फुट्सलको आकार अन्य फुट्सलको आकारभन्दा ठूलो रहेको दावी गर्नुभयो । फुटसलले ‘स्वास्थ्यका लागि खेलकुद’ नारा तय गरेको विष्टको भनाइ छ । झण्डै ७० लाख लगानीको फुट्सलमा खेल मैदानसँगै शौचालय, चेन्जिङ कोठ लगायतका संरचना रहेको छ । उक्त फुटसलको नेपालगञ्जका मेयर प्रशान्त विष्टले उद्घाटन गर्दै फुट्सलले नेपालगञ्जको खेलकुद विकासमा एउटा ईटा थप्ने काम गरेको बताउनुभयो ।
फुटसलमा प्रतिब्यक्ति २ हजार र समूहका लागि २२ हजार मासिक शुल्क तोकिएको छ ।