नेपालगञ्ज, ३० मंसिर । लुम्बिनी प्रदेशको दाङमा भएको सवारी दुर्घटनामा दुई जनाको मृत्यु गएको छ ।
दांगको घोराही वडा नं. १० झारबैरा चोकमा टिप्परले मोटरसाइकललाई ठक्कर दिदा प्युठान झिमरुक गाउँपालिका–४ बाङ्गेका १७ वर्षीय विशाल जिसी र नौबहिनी गाउँपालिका–६ लुङका १८ बर्षीय सागर केसीको मृत्यु भएको हो ।
दांग प्रहरीका अनुसार, टिप्परको ठक्करबाट गम्भीर घाइते भएका दुवै जनाको उपचारका क्रममा राप्ती स्वास्थ्य विज्ञान प्रतिष्ठान घोराहीमा मृत्यु भएको हो ।
मृतक नातामा मामा—भान्जा भएको प्रहरीले जनाएको छ । टिप्परका चालकलाई नियन्त्रणमा लिएर अनुसन्धान भइरहेको जनाएको छ ।
