नेपालगञ्ज, २४ मंसिर । नेपालगञ्जमा ‘आमा सेमिनार’ हुने भएको छ । मानवसेवा आश्रमले यस्तो सेमिनार गर्न लागेको हो । यही मंसिर २७ गते नेपालगञ्जको क्यु. एफ. एक्स. सिनेमा हलमा सेमिनार गर्न लागिएको आश्रमका महासचिव सुशीला केसीले बताउनुभयो ।
सेमिनार तयारीका सम्बन्धमा आज आयोजित पत्रकार भेटघाटमा महासचिव केसीले भन्नुभयो—‘मानवीय चरित्र निर्माणमा सेमिनारको छलफल केन्द्रीत रहनेछ ।’ सेमिनारमा शिक्षकवर्ग, विद्यार्थी, आमा समूह, आध्यात्मिक तथा धार्मिक संस्था, टोल विकास समिति, युवा क्लब, गैरसरकारी संस्थाका प्रतिनिधि गरी बढीमा ३ सय जनाको सहभागिता रहने जनाइएको छ ।
आश्रमले यसअघि दाङ्ग, लमजुङ्ग, पर्सा र हेटौडामा आमा सेमिनार गरिसकेको महासचिव केसीले जानकारी दिनुभयो ।
