यु—१९ एशियाकप क्रिकेटमा नेपालको लगातार दोस्रो हार

नेपालगञ्ज, २४ मंसिर । उन्नाइस वर्ष मुनिको (यु—१९) एसियाकप क्रिकेटमा नेपाल अफगानिस्तानसँग पराजित भएको छ । २६२ रनको लक्ष्य पछ्याएको नेपाल ७३ रनले पराजित भएको छ ।
नेपालले ४०.१ ओभरमा आप्mना सबै विकेट गुमाउदै १८९ रन मात्र बनाउन सकेको थियो । नेपालका लागि अर्जुन कुमालले सर्वाधिक ९१ रन बनाएका थिए । तर, अन्य खेलाडी खासै नचल्न नसक्दा नेपालले हारको नतिजा भोगेको हो । नेपालका लागि कप्तान देव खनालले २४, गुल्सन झाले १७, दीपक बोहराले १५ र दिपेश कँडेलले ११ रन जोडेका थिए ।
एसियाकपमा नेपालको यो दोस्रो हार हो । यसअघि शुक्रबार पाकिस्तानसँग नेपाल पराजित भएको थियो ।