भ्रष्टाचार विरुद्ध नागरिक सचेतना फैलाउन नेपालगञ्जमा बासको वाकाथन

नेपालगञ्ज, २३ मंसिर । आज नेपालगञ्जमा पैदलयात्रा (वाकाथन) गरिएको छ । भ्रष्टाचार विरुद्ध नागरिक सचेतना फैलाउन वाकाथन गरिएको हो । बागेश्वरी असल शासन क्लब (बास) ले भ्रष्टाचारविरुद्धको अन्तर्राष्ट्रिय दिवसका अवसरमा यो कार्यक्रम गरेको हो । वाकाथनमा ह्विलचियर प्रयोगकर्ताहरुको पनि सहभाागिता रहेको थियो ।
वाकाथनमा नेपाल प्रहरीको ब्याण्ड र सांस्कृतिक झाकीको प्रस्तुती तथा भ्रष्टाचारविरुद्धको सन्देशमूलक पर्चापम्प्लेट समेत वितरण गरिएको थियो । नेपालगञ्जको गणेशमान चोकबाट सुरु भएको वाकाथन धम्बोझी चोकमा पुगेर सभामा परिणत भएको थियो । उक्त सभालाई सम्बोधन गर्दै बासका कार्यकारी निर्देशक नमस्कार शाहले भ्रष्टाचारविरुद्धको मुद्दा सबैको साँझा सवाल बन्नुपर्नेमा जोड दिनुभयो ।
सयुक्त राष्ट्रसंघले भ्रष्टाचारविरुद्धको अन्तर्राष्ट्रिय महासन्धी पारित गरेको दिन डिसेम्बर ९ मा यो दिवस विश्वभरी मनाउने गरिन्छ ।