नेपालगन्ज, ५ मंसिर । नेपालगञ्ज किड्स फेस्टिवल–२०८० को दोस्रो चरणको अडिसन सम्पन्न भएको छ । अडिसनबाट एकल नृत्य प्रिस्कुल र प्राइमरीबाट ३० जना र खुलातर्फ २१ जना गरी ५१ जना छनोट भएका छन् । यस्तै, गायनतर्फ २२ जनाले फाइनल राउन्डमा प्रतिस्पर्धा गर्ने भएका छन् । लिभवेल काउन्सिलिङको आयोजनामा हुन लागेको किड्स पेस्टिवलको दोस्रो चरणमा छनोट भएका प्रतिस्पर्धीले यही मंसिर १६ गते हुने फेस्टिवलको विभिन्न विधामा भाग लिन पाउने छन् ।
वक्तृत्वकलामा २५ जना फाइनलमा पुगेका छन् । अर्कोतर्पm, सामूहिक नृत्यमा प्रिस्कुल, प्राइमरी र खुला तहमा अडिसन नहुने गरी मंसिर १४ गतेसम्म आवेदन दिन सकिने काउन्सिलिङका अध्यक्ष भोजराज शर्मा ‘नादिर’ले जानकारी दिनुभयो । नादिरका अनुसार, अनु
सार सामूहिक नृत्यमा हालसम्म १२ समूहले नाम दर्ता गराएका छन् । चित्रकलामा प्रिस्कुलदेखि माविसम्मका लागि मंसिर १४ गतेसम्म आवेदन खुला गरिएको छ । अध्यक्ष नादिरका अनुसार, किड्स फेस्टिवलले बाल साहित्य र सृजनालाई प्राथमिकतामा राखेको छ । यस्तै, लिटिल स्टारमा व्यक्तित्व विकासलाई जोड दिइएको छ ।
बाल साहित्य र सिर्जनाको खुला उत्सवको रुपमा रहेको नेपालगन्ज किड्स फेस्टिवलमा गत वर्ष ४ सय ७० जना बालबालिकाको सहभागिता रहेको थियो । यसपटक फेस्टिवललाई अझै फरक र व्यवस्थित ढंगले आयोजना गर्न लागिएको नादिरले बताउनुभयो ।
फेस्टिवलमा अभिभावकहरुले आफना बालबालिकालाई नृत्य, गायन, चित्रकला, वक्तृत्वत मध्ये कुनै एक विधा पनि सहभागी गराउन सक्नेछन् । फेस्टिवलमा हुने मनोरञ्जनात्मक प्रदर्शनी, खेल, सांस्कृतिक पोशाक, फोटो सेसन, पुस्तक र चित्रकला प्रदर्शनीबाट बालबालिकाले धेरै कुरा सिक्ने अवसर पाउने विश्वास गरिएको छ ।
