नेपालगञ्ज, १९ चैत । बाँकेको खजुरामा रहेको आदर्श माध्यामिक विद्यालयको पूर्व विद्यार्थीहरुको भेला आज सकिएको छ । ५० वर्षअघि स्थापना गरिएको उक्त विद्यालयमा अध्ययन गरेका पूर्व विद्यार्थीहरुको भेलामा सहभागिता रहेको थियो । उक्त विद्यालय २०२९ सालमा स्थापना भएको प्रधानाध्यापक राजेन्द्र सापकोटाले जानकारी दिनुभयो ।
भेलाले आउदो नयाँ बर्ष २०८० को अवसरमा बैशाख ९ गते वृहद विद्यार्थी भेला तथा अन्तरक्रिया गर्ने कार्यक्रम तय गरेको छ ।
त्यस अवसरमा प्रधानाध्यापक सापकोटाले पूर्व विद्यार्थीहरु संगठित हुनु विद्यालयका लागि राम्रो भएको बताउदै समाज विकासमा शिक्षाको महत्वलाई अभियानका रुपमा संचालन गर्न पूर्व विद्यार्थीहरुको भूमिका महत्वपूर्ण हुने विश्वास व्यक्त गर्नुभयो । उक्त विद्यालयवाट २०४५ सालमा प्रवेशिका परीक्षा उत्तीर्ण गर्नुभएका विद्यार्थी बासुदेब तिवारीको अध्यक्षतामा भएको भेलामा पूर्व विद्यार्थीहरु विक्रम गिरी, निरज भट्ट लगायतले बोल्नुभएको थियो ।
भेलाले पूर्व विद्यार्थी गोविन्द शर्माको संयोजकत्वमा वृहद भेला तयारी समिति गठन गरेको छ ।
