चुनावमा तालमेल मात्र गर्छौ, गठबन्धन गर्दैनौ —अध्यक्ष लिङ्गदेन

नेपालगञ्ज, २० भदौ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले संघीय तथा प्रदेश निर्वाचनमा आवश्यकताका आधारमा जिल्लातहमा दलहरुसंग तालमेल हुनसक्ने बताउनुभयो । आज नेपालगन्जमा भएको पत्रकार सम्मेलनमा अध्यक्ष लिङ्गदेनले भन्नुभयो—‘हामी चुनावमा तालमेल मात्र गर्छौ गठबन्धन गर्दैनौ ।’
‘राष्ट्रियताका सवालमा हामी एमालेसंग नजिक देखिएका छौ, निर्वाचन सन्दर्भमा दुई पार्टीबीच कुराकानी भए पनि ठोस निष्कर्षमा पुग्न सकिएको छैन्’—लिङ्गदेनले भन्नुभयो ।
पत्रकारद्धारा सोधिएको एक प्रश्नमा अध्यक्ष लिङ्गदेनले पार्टीका महामन्त्री डा. धवलशमशेर राणा नेपालगन्जको चुनावी मैदानमा उत्रने विषय अस्वभाविक होइन, तथापी तालमेलका लागि एमालेसंग हुने छलफलले यसको निक्र्यौल गर्छ भन्नुभयो ।