आज दिउसो यति नेपालगन्जदेखि एअरलाइन्सको विमानवाट काठमार्डौ जान लागेका एक यात्रुवाट प्रहरीले ठूलो परिमाणको लागुऔषध ब्राउनसुगर बरामद गरेको छ ।
विशेष सूचनाका आधारमा जिल्ला प्रहरी कार्यालयवाट खटिएको प्रहरी टोलीले नेपालगन्ज बिमानस्थलको यात्रु कक्षमा शंकास्पद चेकजाँच गर्दा बाँकेको कोहलपुर नगरपालिका वडा नं. ११ निवासी २५ बर्षिय रोहन शाहलाई ६४ ग्राम ७५० मिलिग्राम ब्राउनसुगरसहित पक्राउ गरेको बाँकेका प्रहरी नायब उपरीक्षक रामप्रसाद घर्तीले जानकारी दिनुभयो ।
प्रहरीले शाहको खानतलासी गर्दा कालो प्लाष्टिकको पोकामा उक्त परिमाणको ब्राउनसुगर बरामद गरेको हो । घटनाको प्रहरीले सूक्ष्म अध्ययन गरिरहेको जनाएको छ ।
