बाँकेमा भएको सडक दुर्घटनामा एकको मृत्यु, नौ घाइते

नेपालगञ्ज, ३ भदौ । बाँकेमा भएको सडक दुर्घटनामा एक जनाको मृत्यु भएको छ । कोहलपुर इलाका प्रहरी कार्यालयका अनुसार, सडक दुर्घटनामा म्याजिक भ्यानका चालक बाँसगढी नगरपालिका वडा नम्बर ४ का रामबहादुर कुँवरको मृत्यु भएको छ ।
आज बिहान पूर्व पश्चिम राजमार्गमा पर्ने संगमचोक नजिकै मिनी ट्रक, म्याजिक भ्यान र मोटरसाइकल एकआपसमा ठोक्किएका थिए । दुर्घटनामा घाइते ९ जनाको अहिले कोहलपुरस्थित शिक्षण अस्पतालमा उपचार भइरहेको प्रहरीले जनाएको छ ।