नेपालगञ्ज उपमहानगरपालिकाका ३२ कर्मचारी छड्केको फन्दामा

नेपालगञ्ज, १९ साउन । नेपालगञ्ज उपमहानगरपालिकाका ३२ कर्मचारी छड्के निरीक्षणको फन्दामा परेका छन् । एकसाथ यति धेरै सङ्ख्यामा कर्मचारी छड्केमा परेको सम्भवतः यो नै पहिलो हो । नेपालगञ्ज मेयर प्रशान्त विष्ट, उपमेयर राइ र निमित्त प्रमुख प्रशासकीय अधिकृत गोर्खबहादुर थापाले आज उपमहानगरपालिका कार्यालयमा कर्मचारीहरुको हाजिरी छड्के अनुगमन गर्नुभएको थियो ।
छड्केमा पर्ने कर्मचारीमा शाखा प्रमुखको जिम्मेवारीमा रहेका अधिकृतस्तरका १२ जना, सहायक पाँचै तहका ७ जना र १३ जना करार सेवाका कर्मचारी धेरै रहेको प्रेस सल्लाहकार गोविन्द शर्माले जानकारी दिनुभयो ।
छड्के निरीक्षण टोलीले अब उप्रान्त समयमै कार्यालयमा उपस्थित रहन कडा निर्देशन दिएको छ । पहिलो चरणमा हाजिरी छड्के गरेको नगर प्रमुख विष्ट सहितको टोलीले सेवा प्रवाह लगायतका विषयमा पनि निरन्तर अनुगमन गर्ने जनाएको छ ।
नगरभित्रका सामुदायिक विद्यालयका शिक्षकहरुको हाजिरी रजिष्ट्ररको अनुगमन गरिरहेको नगरपालिकाको टोलीले आज आप्mनै कार्यालयका कर्मचारीको हाजिरी छड्के निरीक्षण गरेको हो ।