प्रचण्ड गर्मीले बाँकेको जनजीवन प्रभावित

नेपालगन्ज, १ साउन । प्रचण्ड गर्मीले बाँके जिल्लाको जनजीवन प्रभावित भएको छ । अत्यधिक तापक्रमका कारण जिल्लावासी अत्यन्त आवश्यक काम वाहेक दिउसोको समयमा घरवाट बाहिर निस्कदैनन् ।
असह्य गर्मी कारण ग्रामिण क्षेत्रका विद्यालयहरुको पठनपाठन समेत प्रभावित भएको छ भने संचालनमा रहेका अधिकांश शिक्षण संस्थाको अध्यापन विहानको समयमा हुने गरेको छ ।
अत्यधिक तापक्रमका कारण पानीको सतह सुक्दै गएपछि खानेपानी संस्थानले वितरण गर्ने खानेपानीको आपूर्ति कम भएको छ । विद्युत आपूर्ति समेत नियमित हुन नसक्दा नागरिकहरुलाई गर्मीले थप कष्ट पु¥याएको छ । ‘सकेसम्म विद्युत आपूर्ति नियमित गर्ने प्रयास गरेका छौ, तर गर्मीको प्रभाव विद्युतिय उपकरणमा समेत पर्ने भएकाले विग्रिरहने कारणले आपूर्ति हुने गरेको छ’—नेपाल विद्युत प्राधिकरण नेपालगन्ज वितरण केन्द्रका प्राविधिक कर्मचारीको भनाइ छ ।
प्रचण्ड गर्मी बढदै गएपछि सरकारी तथा गैरसरकारी कार्यालयमा सेवाग्राहीको उपस्थिति समेत पातलिएको छ भने बजारमा चिसो पेय तथा खाद्य पदार्थको विक्री ह्वात्तै बढेको पाइन्छ । बाँकेवासीले गर्मीयाममा प्रायः काक्रो, तरबूजा, खरबूजा, लस्सी, आइसक्रिम, कुल्फी लगायत चिसो पेय तथा खाद्य वस्तु अधिक सेवन गर्ने गर्दछन । झण्डै तीन सातादेखि फिटिक्कै पानी नपरेपछि बढेको गर्मीले सरुवा रोगका बिरामीहरुको चाप पनि स्थानिय अस्पतालमा बढन थालेको अस्पतालका चिकित्सकहरु बताउछन । भेरी अंचल अस्पताल, नेपालगन्ज तथा कोहलपुर शिक्षण अस्पतालमा दैनिक सरदर ४०÷५० जना विभिन्न सरुवा रोगका विरामी उपचारार्थ आउने गरेको जनाइएको छ ।
लामो समयदेखि पानी नपरेपछि कृषकहरु चिन्तित हुन थालेका छन् । आकाशे पानीको भरमा धान खेती गर्नु पर्ने कृषकहरुले आ—आप्mनो धर्म अनुसार पानीका लागि देवता रिझाउन विभिन्न धार्मिक अनुष्ठान समेत गरिरहेको पाइन्छ ।