तेलको खपत घटाउन मेयर विष्टको रिक्सा यात्रा

नेपालगञ्ज, १ साउन । नेपालगञ्जका मेयर प्रशान्त विष्टले आज विद्युतिय रिक्सामा यात्रा गर्नुभयो । तेलको खपत घटाउन सन्देश प्रवाहित गर्न उहाँले रिक्सा यात्रा गर्नुभएको हो । मेयर विष्टले आज कार्यालयदेखि नेपालगन्ज राझास्थित एअरपोर्टको ६ किलोमिटरको दुरी रिक्सावाट गर्नुभएको नेपालगन्ज उपमहानगरपालिकाका प्रेस सल्लाहकार गोविन्द शर्माले जानकारी दिनुभयो । मेयर विष्टले एक दिन भएपनि इन्धन खर्च जोगाउन महिनाको १ गते अत्यावश्यक बाहेक इन्धन प्रयोग हुने सवारी साधन प्रयोग नगर्न सम्पूर्ण नगरबासीमा समेत आग्रह गर्नुभएको छ ।
नेपालगञ्जको बार्षिक नीति तथा कार्यक्रममा प्रत्येक महिनाको १ गते जनप्रतिनिधि र कर्मचारीले इन्धन प्रयोग हुने सवारी साधन प्रयोग नगर्ने उल्लेख छ । सोही बमोजिम मेयर विष्टले आज साउन १ गते विद्युतिय रिक्सा प्रयोग गर्नुभएको हो ।
तर, मेयर विष्ट बाहेक नगरका अन्य जनप्रतिनिधिहरुले मेयर विष्टको पदचिन्ह पछ्याएको भने देखिएन । ‘शायद उनीहरुलाई नीति तथा कार्यक्रममा भनेको कुरा यादै छैन् होला’—एक अधिकारीकर्मीको व्यङ्गात्मक टिप्पणी छ । नेपालगन्जका २३ ओडा छन् । तीन ओडावाट पाँच÷पाँच जना गरी नेपालगन्ज उपमहानगरपालिकामा कुल ११५ जना जनप्रतिनिधिहरुले प्रतिनिधित्व गर्छन् ।