नेपालगञ्ज, २५ असार । बाँकेमा अहिलेसम्म ३० प्रतिशत धान रोपाई भएको छ । शुक्रवार रातिदेखि पानी पर्न थालेपछि रोपाईको अवस्था थप अनुकुल भएको छ । ‘अब रोपाईले थप गति लिन्छ’—कृषि ज्ञान केन्द्र बााँकेका प्रमुख सागर ढकालको भनाई छ । बाँकेमा असार १५ गते धान दिवसदेखि रोपाई शुरु गरिएको हो । गत वर्षभन्दा यो वर्ष बाँकेमा ढिलोगरी धान रोपाई भएको हो ।
कृषि ज्ञान केन्द्रका अनुसार, बाँके धानबालीमा अत्मानिर्भर भएको जिल्ला हो । जिल्लाका अधिकांश किसानका लागि धानबाली मुख्य आर्थिक स्रोतका रुपमा रहेको छ । धानको उत्पादन बृद्धि गर्नका लागि यहा धान व्लक, धान पकेट तथा स्मार्ट कृषि गाउँ कार्यक्रम पनि लागु भएको छ । यो कार्यक्रमले पनि धानको उत्पादनमा बृद्धि गर्ने विश्वास गरिएको छ ।
यसका साथै बाँकेमा सिचाई सुबिधा उपलव्ध भएका कारण पनि धानको राम्रो उत्पादन हुने अपेक्षा गरिएको छ । सिक्टा सिचाई आयोजनाले किसानका अधिकांश खेतमा बाह्रै महिना सिचाई सुविधा पु¥याएको छ । बिगतमा आकाशे पानीको भरमा धान खेती हुँदै आएकोमा आयोजनाले नहरमा पानी छोडेपछि बाँकेको नेपालगञ्ज उपमहानगरपालिका, कोहलपुर नगरपालिका, राप्तीसोनारी, बैजनाथ र जानकी गाउँपालिकाको खेतीयोग्य जमिन हराभरा हुदै आएका छन् । बाँकेमा ३६ हजार ५ सय हेक्टरमा धान खेती हुने गरेको छ ।
