नेपालगञ्जको जमुनहावाट सवा करोड मूल्यको अफिम सिड बरामद

नेपालगञ्जवाट भारततर्पm निकासी गर्न लागिएको अफिमको बीउ (अफिम सिड) प्रहरीले बरामद गरेको छ । प्रहरीले आज बिहान नेपाल—भारत सीमानाका जमुनहावाट २५÷२५ किलोका २५० बोरा अफिम सिड बरामद गरेको हो । उक्त अफिम सिड आरजे ०९ जीबी ४५४२ नम्बरको भारतीय मालबाहक कन्टेनरवाट बरामद गरेको इलाका प्रहरी कार्यालय जमुनहाका प्रमुख प्रहरी बरिष्ठ नायब निरीक्षक माधव रिजालले जानकारी दिनुभयो ।
गोप्य सूचनाका आधारमा नेपालगञ्ज भन्सार क्षेत्रमा परिचालित सशस्त्र प्रहरी र नेपाल प्रहरीको संयुक्त टोलीले कन्टेनर जाँचबुझ गर्ने क्रममा उक्त अफिम सिड बरामद गरेको हो । बरामद गरिएका अफिम सिडको बजार मूल्य करिब सवा करोड पर्ने जनाइएको छ । प्रहरीले अफिम सिड बरामद गरेपनि कसैलाई पनि पक्राउ गरेको छैन । ‘कन्टेनर ट्रकको चालक तत्काल भागेका हुन्, हामी अफिम सिडका व्यापारी र चालक दुवैको खोजी गरिरहेका छौ’, प्रहरी नायब निरीक्षक रिजालले भन्नुभयो । रिजालका अनुसार, बरामद गरिएका अफिम सिड र कन्टेनल ट्रकलाई आजै नेपालगञ्ज भंसार कार्यालयमा बुझाउने प्रक्रिया शुरु गरिएको छ ।