पछिल्लो २४ घण्टामा देशैभर थप २८ जनामा कोरोना भाइरस संक्रमण पुष्टि

देशैभर पछिल्लो २४ घण्टामा थप २८ जनामा कोरोना भाइरस संक्रमण पुष्टि भएको छ । यो अवधिमा कोरोना संक्रमणवाट भने कसैको मृत्यु भएको छैन । स्वास्थ्य तथा जनसंख्या मन्त्रालयका अनुसार पीसीआर र एन्टीजेन परीक्षणमा थप २८ जनामा संक्रमण पुष्टि भएको हो । पछिल्लो २४ घण्टामा कोरोनाबाट १० जना निको भएका छन् भने हाल देशभर १२० सक्रिय संक्रमित रहेका छन् । जसमध्ये ११७ जना होम आइसोलेसनमा रहेका छन् । नेपालमा अब कोरोना संक्रमितको कुल संख्या ११ लाख १९ हजार ७६७ पुगेको छ । नेपालमा कोरोना संक्रमणवाट अहिलेसम्म ११ हजार ९५२ जनाले ज्यान गुमाइसकेका छन् भने ९ लाख ६७ हजार ३१० जना संक्रमणमुक्त भएका छन् ।