धानखोलाको पहिरोमा परेर दुई भारतीय तिर्थयात्रु वेपत्ता

नेपालगन्ज, ६ असार । लुम्बिनी प्रदेशको जिल्ला कपिलवस्तुको धानखोलामा आएको पहिरोमा परेर दुई भारतीय तिर्थयात्री बेपत्ता भएका छन् । प्युठानको स्वर्गद्वारी दर्शन गरेर फर्किने क्रममा पहिरोमा परेर भारतको सिद्धार्थनगर जिल्लाका १८ वर्षिय सुरज सोनी र १७ वर्षिय निखिल कौशल बेपत्ता भएको प्रहरीले जनाएको छ । लु २ ख २७१६ नम्बरको गाडीमा फर्किँदै गरेका उनीहरुलाई शिवराज नगरपालिका-१ मा पर्ने धानखोलामा खोला तर्ने क्रममा अचानक आएको पहिरोले बगाएको थियो । प्रहरीद्धारा उनीहरुको खोजीकार्य जारी रहेको छ ।