नेपालगञ्ज, ११ पुस । नेपालगञ्जको रंगशालामा आजदेखि आठौं राष्ट्रपति रनिङ शिल्ड खेलकुद तथा मेयर कप खेलकुद प्रतियोगिता शुरुभएको छ । नेपालगनञ्जको प्याब्सन व्यवस्थापनमा नेपालगनञ्ज उपमहानगरपालिकाद्धारा आयोजित प्रतियोगिता १४ गतेसम्म संचालन हुनेछ ।
प्रतियोगितामा नेपालगञ्ज उपमहानगरपालिका अन्तर्गतका माध्यमिक तहका ५० र आधारभूत तहका ५१ विद्यालयका छात्र(छात्राहरूको सहभागिता रहेको प्याब्सन नगर सचिव विज्ञान शाहले जानकारी दिनुभयो ।
प्रतियोगिताको लुम्विनी प्रदेशका सामाजिक विकास मन्त्री जन्मजय तिमिल्सेनाले उद्घाटन गर्दै प्रतियोगिताले नयाँ प्रतिभालाई स्थापित गर्नूपर्नेमा जोड दिनुभयो । मन्त्री तिमिल्सेनाले खेलकुदलाई प्रविधिसँग जोड्ने योजनामा मन्त्रालय लागिपरेको छ भन्नुभयो ।
नेपालगन्जका मेयर प्रशान्त विष्टले खेलकुदका गतिविधिहरुलाई चलायमान बनाउन विद्यालयहरुले पनि खेलकुदलाई प्राथमिकतामा राख्नुपर्ने सुझाव दिनुभयो ।
प्रतियोगिता उद्घाटन अघि वीपी चोकबाट वृहत् प्रभातफेरी निकालिएको थियो ।
