नेपालगञ्ज, २२ असार । राष्ट्रिय समाचार समिति (रासस) द्धारा अवधी भाषामा प्रकाशन हुँदै आएको समाचार सेवाका बारेमा आज नेपालगञ्जमा अन्तरक्रिया गरिएको छ ।
कार्यक्रममा राससका अध्यक्ष धर्मेन्द्र झाले अवधि भाषाको महत्व, संरक्षण र विस्तारका लागि सञ्चारको भूमिका अपरिहार्य रहेको बताउनुभयो । अध्यक्ष झाले ूराससले राष्ट्रिय भाषाहरुलाई समेट्दै समाचार सेवा विस्तार गरिरहेको छ भन्दै अवधी भाषामा समाचार सेवा प्रकाशन गरिनु त्यसैको एउटा कंडी हो भन्नुभयो ।
कार्यक्रममा सहभागि विभिन्न सञ्चार माध्यमका सम्पादक तथा सञ्चारकर्मी, अवधि भाषी कलाकार, साहित्यकार, शिक्षक शिक्षिका, अधिकारकर्मीलगायतले अवधिका भाषाको विकास र विस्तारका लागि सहयोग गर्ने प्रतिबद्धता जनाएको थिए ।
रासस नेपालगञ्जका प्रमुख युवराज पाण्डेको अध्यक्षतामा भएको कार्यक्रममा नेपालगञ्ज उपमहानगरपालिकाका प्रमुख प्रशासकिय अधिकृत रामहरि शर्माले अवधी भाषा समाचार प्रकाशनका लागि उपमहानगरपालिकाले दिदै आएको आर्थिक सहयोगलाई निरन्तरता दिइने छ भन्नुभयो ।
अवधी भाषा समाचारका सम्पादक राकेश मिश्रका अनुसार, नेपालगञ्ज उपमहानगरपालिकाले राससलाइ अवधी भाषा समाचार प्रकाशन हेतु बार्षिक साढे दुई लाख उपलव्ध गराउदै आएको छ ।
