नेपालगञ्ज, २९ जेठ । डिजिटल मिडिया, मर्यादित पत्रकारिता र पत्रकार आचारसंहिता अभिमुखिकरण तालिम आज नेपालगञ्जमा सम्पन्न भएको छ । चार दिनसम्म सञ्चालितन उक्त तालिममा ८० जना पत्रकारको सहभागिता थियो ।
नेपालगञ्ज उपमहानगरपालिकाको सहयोगमा नेपाल पत्रकार महासंघ, बाँकेले आयोजना गरेको अभिमुखिकरण तालिममा सहभागि पत्रकारहरुलाई नेपाल पत्रकार महासंघका केन्द्रीय महासचिव रामप्रसाद दाहाल र पत्रकार केपी ढुंगानाले सहजीकरण गर्नुभएको थियो ।
तालिम समापन समारोहमा नेपालगञ्ज उपमहानगरपालिकाका प्रमुख प्रशासकिय अधिकृत रामहरि शर्मा, महासचिव दाहाल, महासंघ लुम्बिनी प्रदेश अध्यक्ष शुक्रऋषि चौलागाई, पूर्व अध्यक्ष प्रेम केसी, नीरज गौतमले सहभागिहरुलाई प्रमाणपत्र प्रदान गर्नुभएको थियो । त्यस अवसरमा महासंघ बाँकेका अध्यक्ष नवीन गिरीले अतिथिद्धय नेपालगञ्ज उपमहानगरपालिकाका प्रमुख प्रशासकिय अधिकृत शर्मा र महासंघका केन्द्रीय महासचिव दाहादलाई मायाको चिनो र शुभकामनापत्र प्रदान गर्नुभएको थियो ।
यसअघि उक्त तालिमको नेपालगन्जका मेयर प्रशान्त विष्टले उदघाटन गर्नुभएको थियो ।
