नेपालगञ्ज, २८ जेठ । नेपालगञ्जमा ‘लियाना हस्पिटालिटी एण्ड होटल ट्रेनिङ सेन्टर’ सञ्चालनमा ल्याइएको छ । नेपालगञ्जको कारकाँदोस्थित पहिले यातायात व्यवस्था कार्यालय बसेको भवनमा खुलेको उक्त टेनिङ्ग सेन्टरको गुलरिया नगरपालिकाका मेयर मुक्तिनाथ यादव, बाँके नरैनापुर गाउँपालिकाका अध्यक्ष शैयद इस्तियाकअहमद शाह र नेपालगञ्ज उपमहानगरपालिकाका प्रमुख प्रशासकीय अधिकृत रामहरि शर्माले संयुक्त रुपमा उद्घाटन गर्नुभयो ।
कार्यक्रममा मेयर यादवले नेपाली कामदारको मेहनत, इमान्दारी र अनुशासनको प्रशंसा गर्दै विदेशी रोजगार बजारमा उनीहरूको माग उच्च रहेको जिकिर गर्नुभयो । ‘स्वदेश तथा विदेशमा रोजगारीका उच्च मागलाई ट्रेनिङ सेन्टरले पूर्ति गर्नसक्छ’-यादवले भन्नुभयो ।
नरैनापुर गाउँपालिकाका अध्यक्ष शाहले सीप सिकेर विदेश जाँदा सिकेकै काम पाईने, पारिश्रमिक राम्रो पाईने र काम नपाउने जोखिम कम हुने भएकाले युवाहरुलाई सीपमुलक तालिम दिनका लागि स्थापना गरिएको ट्रेनिङ सेन्टर पश्चिम नेपालकै तालिम दिने थलो बन्ने विश्वास व्यक्त गर्नुभयो ।
सेन्टरका निर्देशक भोदुराम थारुले व्यवसायिकता र तालिमको महत्वबारे चर्चा गर्दै दक्ष तालिम र रोजगारीका अवसरहरूलाई जोड्ने लक्ष्यसहित सेन्टर अघि बढ्ने विश्वस दिलाउनुभयो ।
कार्यक्रममा नेपालगञ्ज उपमहानगरपालिकाका प्रमुख प्रशासकीय अधिकृत शर्मा, नेकपा माओवादी केन्द्रकी नेतृ मीना मल्ल पुन, बर्दिया मधुवन नगरपालिकाका पुर्व मेयर कृष्ण केसी, सशस्त्र प्रहरी उपरीक्षक नरबहादुर राउत, सशस्त्र प्रहरी उपरीक्षक शोभाकान्त खनाल, राष्ट्रिय अनुसन्धान विभागका उपनिर्देशक ओम खड्का, नेपाली कांग्रेसका महाधिवेशन प्रतिनिधि जीवन मल्ल, गुलरिया नगरपालिकाका प्रमुख प्रशासकीय अधिकृत ओमप्रकाश शर्मा, समाजसेवी अमर भण्डारी, लियाना मेनेजमेन्ट सर्भिसका डाइरेक्टर उदय खत्री, नेपालगञ्ज उपमहानगरपालिकाका स्वास्थ्य महाशाखाका प्रमुख राम बहादुर चन्द, भान्से लक्ष्मणप्रसाद भण्डार लगायतले पनि बोल्नुभएको थियो ।
कार्यक्रममा सरुवा भई जान लाग्नुभएका राष्ट्रिय अनुसन्धान विभाग बाँकेका प्रमुख उपनिर्देशक ओम खड्कालाई टे«निङ्ग सेन्टरको तर्पmवाट मायाको चिनो प्रदान गरिएको थियो ।
निर्देशक थारुका अनुसार, ट्रेनिङ सेन्टरमा आधुनिक प्रविधियुक्त पठनपाठन कक्ष, केयर गिभर प्रशिक्षणका लागि प्रयोगशाला, बारिस्टा र सेफसहितको रेस्टुरेन्ट कोठा लगायत रहेका छन । कक्षा कोठाहरू २० देखि २५ जना प्रशिक्षार्थी अट्ने क्षमता रहेको सेन्टरका प्रमुख कार्यकारी अधिकृत अभिषेक थारुले जानकारी दिनु भयो ।
