नेपालगञ्ज, १९ जेठ । सशस्त्र प्रहरी बल नेपालले देशभर विपद स्वयंसेवक तथा विपद सूँँचकहरु तयार गरिरहेको छ । सशस्त्र प्रहरीले आगामी आर्थिक बर्षभित्र देशभर तीन हजार ६७५ जना विपद स्वयंसेवक तथा विपद सूँचकहरु तयार गर्ने लक्ष्य राखेको छ ।
लुम्बिनी प्रदेशमा भने ५०० स्वयंम्सेवक तथा विपद सूँचक तयार गरिने छ । सोही क्रममा लुम्बिनी प्रदेशको स्थानीय तह र वडास्तरमा विपद स्वयंसेवक तथा विपद सूँचकहरु त्यार गर्न बाँके जिल्लामा तालिम सुरु भएको छ ।
सशस्त्र प्रहरी बल नेपाल नम्बर ४२ रिजर्भ गण हेडक्वाटर शमशेरगञ्जका अनुसार, बाँकेमा पहिलो चरणको तालिम जेठ १४ गतेवाट सुरु गरिएको छ । बाँकेको मनसुनजन्य विपदलाई दृष्टिगत गर्दै अहिले राप्तीसोनारी गाउँपालिकाको विभिन्न वडाका २५ जना युवाहरुलाई १८ दिने तालिम दिन सुरु गरिएको छ ।
तालिममा विपद व्यवस्थापन प्रणाली, विपद व्यवस्थापन, घाइतेको जीवन रक्षाका लागि गरिने पहिलो उपचार सम्बन्धि सीप, बाढी, पहिरो तथा डुबानको उद्दार दक्षता, अग्नी तथा वन डढेलो नियन्त्रण, भूकम्पको जोखिम न्यूनीकरण, सडक दुर्घटना जोखिम न्यूनीकरण तथा उद्दार लगायतका विषयमा तालिम दिइने प्रशिक्षक सशस्त्र प्रहरी निरीक्षक जीवनलाल बुढाले बताउनुभयो ।
तालिममा कारितास नेपाल र सिआरएस नेपालले सहकार्य गर्दै आएको छ । बाँकेको राप्तीसोनारीमा गाउँपालिकाको समन्वयमा तालिम भइरहेको छ ।
