नेपालगञ्ज, १४ जेठ । बाँके प्रहरीले नेपालगञ्जको छुट्टाछुट्टै स्थानबाट आज ३६ ग्राम खैरो हेरोइनसहित तीन जनालाई पक्राउ गरेको छ ।
प्रहरीले नेपालगञ्ज वडा न. ८ का २५ वर्षीय सरिफ कवाडिया, वडा नं. २१ का २० वर्षीय समीर खान र सोही स्थानका २१ वर्षीय कस्मिनसिंह ठकुरीलाई लागु औषध खैरो हेरोइनसहित पक्राउ गरेको हो । प्रहरीले उनीहरुवाट डिजिटल तराजु, स्कुटरसमेत बरामद गरेको जनाएको छ ।
पक्राउ परेका तीनै जनालाई कष्टडीमा राखी थप अनुसन्धान भइरहेको बाँके जिल्ला प्रहरी कार्यालयका प्रहरी प्रवक्त प्रहरी नायब उपरीक्षक दिपक पातलीले बताउनुभयो ।
