नीरज गौतम/नेपालगञ्ज, ४ जेठ । बाँके कोहलपुरका पत्रकारहरुका लागि आइतवारदेखि ‘बिट पत्रकारिता’ तालिम शुरु गरिएको छ । कोहलपुर नगरपालिकाको सहयोगमा नेपाल पत्रकार महासंघ, बाँकेले उक्त तालिम शुरु गरेको हो । तालिम तिन दिनसम्म संचालन हुने जनाइएको छ ।
तालिमको कोहलपुरका मेयर पूर्णप्रसाद आचार्यले एक समारोहका बीच उद्घाटन गर्नुभयो । कार्यक्रममा मेयर आचार्यले बिट पत्रकारिता तालिमले कोहलपुरका पत्रकारहरुलाई कम्तीमा एउटा विषयमा पोख्त बनाउन अभिप्रेरित गर्ने विश्वास व्यक्त गर्नुभयो ।
मेयर आचार्यले पत्रकार महासंघसँग संस्थागत सहकार्य गर्न कोहलपुर नगरपालिका तयार रहेको बताउदै आग्रह र पूर्वाग्रहबाट पत्रकारिता नगर्न आग्रहसमेत गर्नुभयो ।
तालिम उद्घाटन समारोहमा नेपाल पत्रकार महासंघक लुम्विनी प्रदेश अध्यक्ष शुक्रऋषि चौलागाई, बाँकेका अध्यक्ष नवीन गिरी, तालिम संयोजक तथा महासंघ बाँके सचिव कृष्ण ओली र सहसचिव भगतराम थारुले तालिमको महत्व तथा उपादेयता बारे प्रकाश पार्नुभएको थियो ।
तालिमको पहिलो दिन आज नेपाल पत्रकार महसंघका लुम्विनी प्रदेश अध्यक्ष चौलागाईले पत्रकार आचारसंहिता, कालपृष्ठ दैनिकका सम्पादक कमल खत्रीले खेलकुद र कान्तिपुरकर्मी रुपा गहतराजले मिडियामा महिला मुद्दाका सवालमा सहजीकरण गर्नुभएको थियो । तालिममा ४० बढी पत्रकारको सहभागिता रहेको छ ।
