नेपालगञ्ज, १५ बैशाख । नेपाल पत्रकार महासंघ बाँकेले प्रकाशन गरेको नयाँ बर्ष २०८२ सालको भित्तेपात्रो (क्यालेण्डर।) आज नेपालगञ्जमा एक कार्यक्रमका बीच विमोचन गरिएको छ ।
नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाई, बाँके शाखा अध्यक्ष नवीन गिरी, पूर्व अध्यक्ष नीरज गौतमलगायतले संयुक्तरुपमा भित्तेपात्रो बिमोचन गर्नुभएको थियो । अध्यक्ष नवीन गिरीका अनुसार, पत्रकार महासंघ, बाँकेले पहिलोपटक भित्तेपात्रो प्रकाशन गरेको हो ।
कार्यक्रमका प्रमुख अतिथि चौलागाईले पत्रकारहरूको सुरक्षा र प्रेस स्वतन्त्रताको रक्षा गम्भीर चुनौती बनेको बताउदै । पत्रकाहरुले पनि आफ्नो पेशागत मर्यादालाई ख्याल गर्नुपर्नेमा जोड दिनुभयो ।
बाँके अध्यक्ष गिरीको सभापतित्वमा भएको कार्यक्रममा महासंघ बाँकेका पूर्व अध्यक्ष नीरज गौतम, प्रेस चौतारी नेपालका केन्द्रीय सदस्य विष्णु बेलबासे, प्रेस युनियन बाँकेका अध्यक्ष प्रियास्मृति ढकाल, प्रेस सेन्टरका उपाध्यक्ष केपी घिमिरे, समाजवादी प्रेस संगठन बाँकेका अध्यक्ष लोकनाथ शर्मा, पत्रकार अछरी पोखरेल, महासंघका सहसचिव रविन्द्रसिंह ठकुरीले बोल्नुभएको थियो ।
क्यालेण्डर प्रकाशन गर्न महासंघका उपाध्यक्ष करुणा शाहको संयोजकत्वमा सात सदस्यीय ‘भित्तेपात्रो प्रकाशन समिति’ गठन गरिएको थियो । समितिको सदस्यहरु सचिव कृष्ण ओली, कोषाध्यक्ष सुनिल रेग्मी तथा सदस्यहरु कृष्ण अधिकारी, पहलबहादुर केसी, आशा परियार र सलामतअलि शेष रहनुभएको थियो ।
