नेपालगञ्ज, २४ चैत । नेपाली कांग्रेस, बाँकेले राजावादीहरुको अराजक समूहले नेपालगञ्जस्थित विपी चोकमामा रहेको जननायक विपी कोइरालाको शालिकमा कालो कपडाले ढाक्ने र कालो पातो दल्ले कार्यको घोर भत्सर्ना तथा निन्दा गरेको छ ।
आप्ना नेता कार्यकर्ता पक्राउ परेको विरोधमा राजावादीहरुको समूहले हिजो शनिवार साँझ विपी चोकमा राके जुलुस प्रदर्शन गर्ने क्रममा त्यहा रहेको महामानव विपी कोइरालाको शालिकमा कालो कपडाले ढाक्ने र कालो पोतो दल्ने काम गरेको थिए ।
नेपाली कांग्रेस, बाँकेका सभापति नारायणप्रसाद गौडेलद्धारा आज आइतवार बिहान जारी विज्ञप्तिमा भनिएको छ—‘आन्दोलनका नाममा देखाइएको यस्तो अराजक र उद्दण्डताको जति निन्दा गरेपनि कम हुन्छ, यस्तो हर्कतको हामी कडा शब्दमा निन्दा गर्दछौ ।’
प्रहरी प्रशासनकै बाक्लो उपस्थितिबीच यसखाले अशोभनीय र निन्दनीय घटना हुनुलाई पार्टीले गम्भीररुपमा लिएको छ भन्दै प्रेस विज्ञप्तिमा आन्दोलनका नाममा यस्तो अराजकता मच्चाउने समूहलाई तत्काल पक्राउ गरी कारवाही गर्न नेपाली कांग्रेस बाँके जोडदार माग गर्दछौ भनिएको छ ।
‘लोकतन्त्रमा आप्ना विचार र भावना र अभिव्यक्ति राख्ने तथा शान्तिपूर्ण आन्दोलन गर्ने छुट सबैलाई भएपनि अराजकता र उच्छृंखलता सह्य हुन सक्दैन’—प्रेस विज्ञप्तिमा भनिएको छ ।
प्रेस विज्ञप्तिमा प्रष्ट भनिएको छ—‘लोकतन्त्रको विकल्प ‘उन्नत लोकतन्त्र’ नै हो भन्ने मान्यतामा अडिग सबैभन्दा ठूलो र पुरानो पार्टी नेपाली कांग्रेसका संस्थापक नेता, प्रथम जननिर्वाचित प्रधानमन्त्री महामानव विपी कोइरालाको शाकिकप्रति नै गिद्धे नजर लगाउने र हतास मानसिकताको उपज स्वरुप गरिएको उक्त निन्दनिय र उपद्रो कार्य गर्ने विरुद्ध कारवाहीा लागि तदारुकता नदेखाइए नेपाली कांग्रेस बाँके कडा ढंगले प्रस्तुत हुन बाध्य हुनेछ ।’
