राजा खान नेपालगञ्ज बिपी चोकका बासिन्दा हुन् । बिगत १८ बर्षदेखि अमेरिकालाई कर्मथलो बनाउदै आएका खानको मन भने सधै आप्नो जन्मथलो नेपालगञ्जको सामाजिक विकासमा केन्द्रीत रहने गरेको छ । अमेरिकामा रगत,पसिना बगाएर इमान्दारिताका साथ कमाएको धनको केहि हिस्सा खानले नेपालगञ्जको सामाजिक विकास र खेलकुद क्षेत्रका लागि खर्च गर्दै आएका छन् । क्रिकेटमा अलि बढी नै रुची भएका खान खेलकुदकै सबै विद्यामा सहयोग गर्न पछि पर्दैनन् । यीनै सेरोफेरोमा केन्द्रीत रहेर मनकारी सामाजिक अभियन्ता खानसंग सहकर्मी सावित्री गिरीले गर्नुभएको कुराकानीको सम्पादित अंशः
नेपालगञ्जमा तपाईको दैनिकी कसरी वितिरहेको छ ?
आजभोललि म सामाजिक काममा ब्यस्त छु । अमेरिकाको एक कम्पनी सञ्चालकको रुपमा क्रियाशील भपपनि नेपालमा खेल लगायत विविध सामाजिक क्षेत्रमा सहयोगी बनेर समय विताउन म रुचाउने गर्छु । विदेशमा गरेको आम्दानी नेपालमा केहि सामाजिक काममा र खेलकुदको क्षेत्रमा लगानी गर्दा मलाई मनैदेखि खुशी मिल्ने गर्छ । मलाई नेपालगन्जको धेरै माया गर्छ ।
यहाँको रुचीको बिषय के हो ?
मेरो रुचीको बिषय समाजसेवा हो । म खेल हेर्न ,खेल खेल्न अनि खेल क्षेत्रमा सहयोगी बन्न रुचाउछु । म पनि विगतमा धेरै खेल यही नेपालगन्जको रंगशालामा खेल्ने गर्थे । नेपालगञ्जमा क्रिकेट खेललाई सफल बनाउन मैले सके जतिको सहयोग गरेको छु । अहिले पनि विविध खेलमा सहयोग गर्नु मेरो रुचीको बिषय बनेको छ । अहिलेका युवाहरुलाई खेल ोत्रमा अगाडि बढाउन चाहन्छु । विभिन्न ठाउमा भ्रमण गर्नु पनि अर्को रुचीको विषय हो ।
नेपालगन्जमा वैशाख ५ गतेदेखि लुम्बिनी कप महिला फुटबल हुदैछ । यसमा तपाईको साथ, सहयोग रहन्छ कि रहदैन्
?
यो प्रतियोगतालाई मैले महिला ससक्तिकरणका लागि हुन लागेको खेल भनेर जानकारी पाएको छु । नेपालमा प्रायः महिला लक्षित खेलहरु कम हुने गरेका छन् । लुम्बिनी कप महिला फुटबल प्रतियोगिताले नेपालगञ्जलाई फुटबलमय बनाउने विश्वास लिएको छु । नेपालगञ्जमा पहिलो पटक अन्तराष्ट्रिय आमन्त्रणमा नेपालगन्जमा हुन लागेकाले यो ऐतिहासिक हुनेमा मेरो विश्वास छ । यो प्रतियोगितामा मेरो सबैखाले सहयोग रहने छ ।
सामाजिक काम गर्ने उत्प्रेरणा तपाईलाई कसरी मिल्यो ?
मेरो बुवा, मम्मी, दाई अनि अत्यन्त मिल्ने साथी दिवंगत भएपछि मलाई के लाग्यो भने हामीले जति कमाए पनि यही छाडेर जानुपर्ने रहेछ । त्यसैले आपुलले कमाएको सम्पत्तिको केहि अंश सामाजिक काममा लगाउन सक्यौ भने त्यसले समाजको हितको लागी धेरै मद्धत पुग्ने रहेछ । त्यही भावनावाट ओतप्रोत भएर सामाजिक विकासमा सहयोगी बन्न उत्प्रेरण जागेको हो ।
अन्त्यमा, नेपालमा महिला फुटबलको अवस्थालाई थप सुधार गर्न के के गर्नुपर्ला जस्तो लाग्छ ?
यहाँ भएका उद्योगी ,व्यापारी, चिकित्सक लगायत विभिन्न पेशाकर्मीले केही न केही प्रतिशत रकम खेल क्षेत्रका लागि भनेर छुट्याउनु पर्छ । यस्तो भयो भने खेल प्रतियोगिताहरु धेरै गर्न सकिन्छ । जति धेरै प्रतियोगिताहरु हुन्छन्, त्यति धेरै क्षमतावाट खेलाडी हामी उत्पादन गर्न सक्छौ । महिला फुटबलका लागि पनि यसरी नै लगानी बढाउन जरुरी छ । अर्कोतर्प, निजि क्षेत्रको मुख ताकेर मात्र पनि हुँदैन । सरकारले खेलकुदमा लगानी बढाउदै जानुपर्छ ।
