नेपालगञ्ज, १४ चैत । अन्तरालको आयोजनामा आगामी बैशाख ५ गतेदेख १५ गतेसम्म नेपालगञ्जमा लुम्बिनी कप अन्तर्राष्ट्रिय आमन्त्रण महिला फुटबल प्रतियोगिता हुदैछ । प्रतियोगितामा नेपाल र भारतका आठ टीमको सहभागिता रहने छ ।
सोही प्रतियोगिताको पूर्व तयारीका क्रममा भोलि शुक्रवार नेपालगञ्ज रंगशालामा महिला जनप्रतिनिधि र पत्रकार महिलाबीच मैत्रीपूर्ण प्रतियोगिता हुनेभएको छ ।
उक्त मैत्रीपूर्ण फुटबल प्रतियोगितामा बाँकेवाट प्रतिनिधित्व गर्ने सांसद, उपप्रमुख तथा विभिन्न पदिय जिम्मेवारीमा रहेका जनप्रतिनिधि र पत्रकार महासंघका पदाधिकारीसहितका पत्रकार महिलाहरुको सहभागिता रहने आयोजक अन्तरालका प्रमुख कार्यकारी जयनारायण शाहले बताउनुभयो ।
प्रतियोगितामा १८÷१८ जना खेलाडी रहने व्यवस्था गरिएको छ । दुवै टीमका खेलाडीको सामान्य अभ्यासका लागि आयोजकका तर्पmवाट यसअघि एक÷एक जना फुटबल प्रशिक्षण्क उपलव्ध गराइएको छ ।
मैत्रीपूर्ण फुटबल प्रतियोगिताको पूर्व ओलम्पियक, अन्तर्राष्ट्रिय पदक विजेता लुम्बिनी प्रदेशका पूर्व मन्त्री सुरेन्द्रबहादुर हमालले उद्घाटन गर्नुहुनेछ । त्यसका अलावा विभिन्न राजनीतिक पार्टीका स्थानीय नेतागण, पालिका प्रमुखहरु, प्रमुख जिल्ला अधिकारी, प्रहरीका उच्च पदस्थ पदाधिकारी, फुटबलका पूर्व राष्ट्रिय खेलाडीलगायतको उपस्थिति रहने छ ।
यसैबीच, मैत्रीपूर्ण प्रतियोगिताको पूर्व सन्ध्यामा आज बिहीवार नेपालगञ्जमा दुवै टीमका खेलाडीहरुसंग अन्तरक्रिया गरिएको थियो । त्यस अवसरमा फुटबल प्रशिक्षक सानु तामाङ्ग फुटबल खेल्न खेलाडीहरुले अपनाउनुपर्ने नियम र विधिका बारेमा जानकारी गराउनु भएको छ ।
अन्तरक्रियामा लुम्बिनी प्रदेश सांसद मीना श्रेष्ठ, माया पुन, अम्बिका काप्ले, नेपाल पत्रकार महसंंघका उपाध्यक्ष करुणा शाह, लुम्बिनी कप महिला फुटबल मिडिया संयोजक निरज गौतम, मैत्रीपूर्ण फुटबलका संयोजक उमाहा थापामगर, सचिवालय प्रमुख रमेश मल्ला, समन्वय तथा परिचालन समितिका संयोजक तेजविक्रम शाहलगायतको सहभागिता रहेको थियो ।
