नेपालगञ्ज, १५ फागुन । नेकपा (एमाले) निकट नेपाल मुस्लिम इत्तेहाद संगठनको केन्द्रीय महाधिवेशन आगामी २१ र २२ गते नेपालगञ्जमा हुने भएको छ ।
नेपालगञ्जमा आयोजना गरिएको पत्रकार सम्मेलनमा संगठनका इन्चार्ज एवम् एमाले केन्द्रीय सदस्य मोहम्मद हारुनले महाधिवेशनको प्रधानमन्त्री एवम् एमाले अध्यक्ष केपी ओलीले उदघाटन गर्ने जानकारी दिनुभयो ।
‘महाधिवेशनको भव्य तयारीका लागि १३ उपसमिति गठन गरिएको छ’-इन्चार्ज हारुनले भन्नुभयो, ‘मुस्लिम एकताको यो महाधिवेशनमा देशभरवाट ६०० भन्दा बढी प्रतिनिधिहरुको सहभागिता हुनेछ ।’
इत्तेहाद संगठनका बाँके जिल्ला अध्यक्ष मोहम्मद सफिक बेहनाको अध्यक्षतामा भएको पत्रकार सम्मेलनमा एमाले केन्द्रीय सदस्य एवम् बाँकेवाट संघीय सांसद सूर्य ढकाललगायत एमाले नेताहरुको उपस्थिति रहेको थियो ।
