नेपालगञ्ज, २७ पुस । नेपालगञ्जका १३ वटा वडामा युवा क्लब गठन गरिएका छन् । समृद्धि फाउण्डेशन नेपाल बाँकेले युवा क्लब गठन गरेको हो । ‘नेपालगञ्जका सबै २३ वटै वडामा युवा क्लब गठन गर्ने कार्यक्रम रहेको छ’—फाउण्डेशनका प्रोजेक्ट कोर्डिनेटर सकिल खानले भन्नुभयो ।
राष्ट्रिय युवा परिषद्ले जारी गरेको युवाक्लब गठन कार्यविधि २०७५ अनुसार नेपालगञ्जका वडास्तरमा गठन गरिएका युवा क्लबमा १६ देखि २४ वर्ष उमेरमा युवाहरुलाई सहभागि बनाइएको छ । क्लबमा महिला सहभागिता ५० प्रतिशत अनिवार्य गरिएको छ । क्लबले युवा सशक्तिकरण, सामाजिक एकता प्रवद्र्धन र सामुदायिक संलग्नतालाई प्रोत्साहित गरि युवा सक्रियता बढाउने उद्देश्य तय गरेको जनाइएको छ ।
क्लबमा मूलतः मधेसी, मुस्लिम र पछाडी पारिएका सिमान्तकृत समुदायका पत्रकार, खेलाडी, कलाकार र अपाङगता भएका युवाको सहभागितालाई प्राथमिकतामा राखिएको छ ।
