बाँके, १६ पुस । बाँकेको नरैनापुर गाँउपालिकामा अन्तर वडास्तरीय अध्यक्ष कप क्रिकेट प्रतियोगिता आजदेखि सुरु भएको छ ।
नरैनापुर गाँउपालिकाको सहयोगमा भेरी रकर्स स्पोर्ट क्लबले आयोजना गरेको उक्त प्रतियोगिताको गाँउपालिका अध्यक्ष इस्तियाकअहमद शाहले उद्घाटन गर्नुभयो । त्यस अवसरमा शाहले खेलकुदप्रतिको दृष्टिकोण फराकिलो बनाउनुपर्ने धारणा व्यक्त गर्नुभयो ।
प्रतियोगिता उद्घाटन समारोहमा नरैनापुर वडा नं. ६ का अध्यक्ष प्रेम मौर्य, भेरी रकर्स क्लबका अध्यक्ष मोहम्मद साजिद खान, गाउँपालिका शाखा प्रमुख मुकद्दरअलि मुकेरी, बिपद शाखा प्रमुख भरत महतो, प्रेसबिज्ञ आलम खान, नेपाल पत्रकार महासंघ बाँकेका सदस्य कृष्ण अधिकारी, चलचित्र पत्रकार संघका ज्ञानु ओली, एमाले नेता बिनय दिक्षितलगायतले बोल्नुभएको थियो ।
प्रतियोगिता अन्तर्गत आजै भएको खेलमा राप्तीसोनारी बिजयी भएको छ । राप्तीसोनारीले नरैनापुरलाई ५ विकेटले पराजित गरेको हो । टस जितेर ब्याटिङ गरेको नरैनापुरले १२ ओभरमा ११९ रन जोड्दै अलआउट भयो । १२० रनको बिजयी लक्ष्य पछ्याउदै जवाफी ब्याटिङ गर्न खेल मैदानमा उत्रेको राप्तीसोनारीले ११.३ ओभरको समाप्तिमा सात विकेट गुमाएर लक्ष्य भेटाएको थियो ।
‘युवा सशक्तिकरण र पहिचानका लागि खेलकुद’ भन्ने नाराका साथ आयोजना गरिएको प्रतियोगितामा बाँके जिल्लाका ८ वटै स्थानीय तहवाट टिमको सहभागिता रहेको छ ।
आयोजकका अनुसार, प्रतियोगिताको बिजेताले नगद ६० हजार, कप, मेडल तथा प्रमाणपत्र हात पार्नेछन् । त्यस्तै उपबिजेता टिमलाई नगद ३० हजार, कप, मेडल तथा प्रमाणपत्र प्रदान गरिने छ ।
