नेपालगञ्ज, ११ कात्तिक । नेपालगञ्जको केयर सिटी अस्पतालले इन्जिनीयरहरुलाई उपचार सेवामा सहुलियत दिने भएको छ ।
सो अस्पतालले लुम्बिनी प्रदेश अन्तर्गतका जिल्ला बाँके, बर्दिया र दाङ तथा कर्णाली प्रदेशका इन्जिनीयर र आर्किटेक्टहरुलाई उपचार सेवामा सहुलियत दिने भएको हो ।
आज नेपाल इन्जिनियर्स एसोसिएशन लुम्बिनी प्रदेश र केयर सिटी अस्पताल एण्ड रिसर्च सेन्टर प्रालिबीच उपचार सहुलियत सम्बन्धि सम्झौतापत्रमा हस्तान्तरक्ष भएको छ ।
सम्झौतापत्रमा केयर सिटी अस्पतालका अध्यक्ष डा. विष्णुकुमार थापा र नेपाल इन्जिनियर्स एसोसिएशन लुम्बिनी प्रदेशका सभापति इन्जिनीयर महेश्वर लम्सालले हस्ताक्षर गर्नुभएको छ ।
अस्पतालले एसोसिएशनवाट सिफारिस भई आएका बिरामीलाई अपरेशन, बेड, एक्सरे, आइसियु, एनआइसियु, एचडियु तथा ल्याब टेस्टमा २० प्रतिशत तथा औषधि तथा सर्जिकलमा १० प्रतिशत छुट दिने व्यवस्था सम्झौतापत्रमा गरिएको छ ।
