नेपालगञ्ज, २ असार । बाँकेको कोहलपुर र बैजनाथमा ठुलो परिमाणको लागूऔषध ब्राउन सुगरसहित पाँच जना पक्राउ परेका छन् । इलाका प्रहरी कार्यालय कोहलपुर र लागूऔषध नियन्त्रण ब्युरो कार्यालय नेपालगञ्जको टोलीले विभिन्न स्थानमा जाँचका क्रममा ब्राउनसुगरसहित उनीहरुलाई पक्राउ गरेको हो ।
जिल्ला प्रहरी कार्यालय बाँकेका अनुसार पक्राउ पर्नेमा समिर शाही र भारतको बहराइच जिल्ला रुपैडियाका ४३ वर्षीय गोपी निसार रहेको छन् । प्रहरीले उनीहरूको साथबाट २८ ग्राम २० मिलिग्राम ब्राउन सुगर बरामद गरेको छ ।
यसैगरी, जेठ ३० गते कोहलपुर नगरपालिका–११ गोलपार्कबाट दैलेख नारायण नगरपालिका–१ पुरानो बजारकी ३३ वर्षीया मनकुमारी खड्का पक्राउ परेकी छन् । उनको साथबाट २ ग्राम ५०० मिलिग्राम ब्राउन सुगर बरामद भएको प्रहरीले जनाएको छ ।
