नेपालगञ्ज, १ साउन । साउने संक्रान्तिका अवसरमा आज बाँकेको कोहलपुरस्थित शितल वनवाटिकामा वृक्षारोपण गरिएको छ ।
नेपाल मगर संघ नगर कार्यसमिति कोहलपुरले आयोजना गरेको कार्यक्रममा विभिन्न प्रजातिका ८०० विरुवा रोपिएको संघका अध्यक्ष कृष्णबहादुर पुनले जानकारी दिनुभयो ।
अध्यक्ष पुनका अनुसार, उक्त बनवाटिकामा धुपी सल्ला, अमला, बेल, अम्वा, छतिवन, गोल्डमोर, पारिजात, कपुर, सितलचिनी, जाकान्द्रा लगायतका विरुवा रोपिएको छ ।
कार्यक्रममा संघका जिल्ला अध्यक्ष भुपेन्द्र पुन, सितल छायाँ सामुदायिक वन उपभोक्ता समूहका अध्यक्ष खुर्सल भण्डारीलगायतको सहभागिता रहेको थियो ।
बनवाटिका सामुदायिक बन झण्डै २०० हेक्टर क्षेत्रफलमा फैलिएको बताइएको छ ।
